بۇگىن الماتىدا  «رۋحاني جاڭعىرۋ» باعدارلاماسى اياسىندا جەڭىس كۇنىنە ارنالعان اۆتوشەرۋ ءوتتى.

كەڭەس وداعىنىڭ باتىرلارى، ەكىنشى دۇنيەجۇزىلىك سوعىسىنا قاتىسقان اتا-بابالارى - مايدانگەرلەردىڭ پورترەتتەرى جاپسىرىلعان  20 شاقتى  اۆتوكولىك قالانىڭ ورتالىق كوشەلەرىمەن ءجۇرىپ ءوتتى.

ەرەكشە اكسيا 9-مامىر جەڭىس كۇنىنە وراي ارنايى ۇيىمداستىرىلدى.

اۆتوشەرۋ قازاقستان رەسپۋبليكاسى تۇڭعىش پرەزيدەنتىنىڭ ساياباعىندا، پانفيلوۆ كوشەسىندە، استانا الاڭىندا، تاۋەلسىزدىك مونۋمەنتى ورنالاسقان ورتالىق الاڭدا، 28 پانفيلوۆشىلار اتىنداعى ساياباقتا بولدى.

«بۇل شارانى ۇيىمداستىرعانداعى ماقسات - ەلى ءۇشىن ەرلىكپەن قازا تاپقاندارعا قۇرمەت كورسەتۋ. تۇرعىندار نازارىن اتا-بابالارىمىزدىڭ ەرلىگىنە اۋدارۋ، ەسكە الۋ، جاس ۇرپاقتىڭ سوعىستا ەرلىكپەن قازا تاپقاندارعا دەگەن قۇرمەت پەن سۇيىسپەنشىلىك سەزىمىن وياتۋعا ۇلەس قوسۋ، وسكەلەڭ ۇرپاقتى پاتريوتتىق سەزىمگە باۋلۋ، ادامگەرشىلىك قۇندىلىققا، بەلسەندى ءومىر سالتىنا تاربيەلەۋ بولىپ وتىر»، - دەدى جوبا جەتەكشىسى الىبەك ابدۋللا.

اتالعان اكسيا  ەلباسىنىڭ «رۋحاني جاڭعىرۋ» باعدارلاماسى اياسىندا 9-مامىر جەڭىس كۇنىنە،  مايداندا ەرلىكپەن قازا تاپقان ەرلەر رۋحىنا ارنالادى.

ءدال وسى شارا ەرتەڭ استانا قالاسىندا جالعاساتىن بولادى.